Í öllum söfnum Borgarbókasafns eru deildir sem eru sérstaklega ætlaðar börnum. Í barnadeildunum er fjölbreytt efni fyrir börn, myndabækur, léttlestrarbækur, vísnabækur, ævintýri, tónlist, hljóðbækur, kvikmyndir, fræðsluefni og annað fyrir börn. Þar er notalegt andrúmsloft og aðstaða til að setjast niður, lesa og spjalla. Ferð á bókasafnið er hin besta skemmtun fyrir alla fjölskylduna.
Boðið er upp á fjölskyldumorgna í aðalsafni og Gerðubergssafni í hverri viku og dagskrá á sunnudögum í sömu söfnum.
Öll söfn Borgarbókasafns bjóða upp á viðburði fyrir börn og eru þeir auglýstir sérstaklega.
